Kjo verë ishte më e nxehta në Evropë

Evropa përjetoi verën më të nxehtë të regjistruar këtë vit dhe temperaturat në Mesdhe thyen rekordet me diferenca të mëdha, njoftoi ditën e martë Shërbimi i Ndryshimit të Klimës Kopernikus i Bashkimit Evropian. Ashtu si pjesa më e madhe e Hemisferës Veriore, Evropa u godit nga moti ekstrem gjatë muajve të fundit duke përfshirë nivele rekord të rreshjeve të shiut, që shkaktuan përmbytje shkatërruese në Gjermani dhe Belgjikë dhe valë nxehtësie, që kontribuan në zjarret në jug të rajonit. Temperatura mesatare nga fillimi i muajit qershor deri në fund të muajit gushtit ishte rreth 0,1 gradë Celsius më e ngrohtë se verat e mëparshme më të nxehta në 2010 dhe 2018, një rritje relativisht e vogël.

Evropa

Por ishte një gradë e tërë 1 gradë C mbi mesataren e periudhës 1991-2020 duke reflektuar trendin afatgjatë të ngrohjes globale të shkaktuar nga njerëzit. Viti 2020 ishte gjithashtu më i nxehti i regjistruar për Evropën në përgjithësi. Rritja e temperaturave nuk u shpërnda në mënyrë të njëtrajtshme, pasi Evropa jugore theu rekordet e nxehtësisë dhe lindja ishte më e ngrohtë se mesatarja, Evropa veriore përjetoi nxehtësi verore nën mesataren e verës.

Të dhënat e Kopernikut kthehen në vitin 1950, por për shkak të trendit të ngrohjes globale, kjo verë ka të ngjarë të jetë gjithashtu një rekord për të gjithë epokën industriale. Italia regjistroi një temperaturë prej 48,8 gradë C më 11 gusht, në Sicili. Nëse verifikohet nga Organizata Botërore Meteorologjike, kjo do të ishte dita më e nxehtë e regjistruar ndonjëherë në Evropë. Më e nxehta para kësaj ishte 48,0 C në Athinë, Greqi në vitin 1977. Nxehtësia lidhej me një anticiklon, që goditi gjithashtu Spanjën dhe ndoqi nxehtësinë ekstreme në Greqi dhe Turqi, që përjetuan zjarre shkatërruese.